كل متحاول توضح للشعب ده الصوره للوضع اللى أحنا فيه و بنعيشه كل يوم و كلنا يمكن متفقين أنه واقع , يرد عليك واحد فلوطه يقولاك. متسخشن متولعش الدنيا و اللي أخر التعليقات اللي بطلعك واحد أسود من جوه و بيخرج منك شياط. متعتك الوحيده أنك تعذب اللي حواليك و تلعب بأعصبهم.
معروف أن من عادتنا الطيبه اللي ورثناها عن أجدادنا الفراعنه حب الهروب من مواجهه المشاكل , و دلوقتى عندنا مشاكل من أيام الفراعنه لسه متحلتش.
خلاصه الكلام أنا بقى بوتجاز, أنا البنى أدم السمج المريض نفسيا اللى .... أيوه أنا كده, أنا البنى آدم اللي تصنيفه الجديد من بعد الثوره مندس و أجنده و كنتاكى و الحركات دى. أنا البنى أدم المصرى المغيب اللي بيحاول بقول رأيه بصراحه فى أى مشهد أو أى موقف و مش خايف على مصلحه البلد أو عجله الانتاج..أنا كل ده
الملخص أنا بوتجاز 100 شعله
ليست هناك تعليقات:
إرسال تعليق